Mennt er máttur!

Jæja, nú er Addi búinn að vera í burtu í tvær nætur. Hann fór á Coventry leikinn í dag, sem fór 6-2 fyri Coventry og það var ekki lítið gaman að heyra í honum á meðan leiknum stóð. Mér skilst að þar hafi hann fallið í faðm annarra aðdáenda og grátið - eða svona næstum því! Maðurinn er náttla búinn að halda með liðinu síðan hann var 9 ára gamall!! Hann segist vera sólbrunninn í framan eftir daginn - svo gott er veðrið í Lundúnum.

Við Brynjar höfum það ágætt. Það er nú engin óskastaða að vera að læra undir próf með einn 2ja og háfs mér við hlið - en þetta bjargast. Hann er ósköp góður, það er bara mamman sem er ekki að standa sig í mömmuhlutverkinu núna! En undirbúningur gengur svosum ágætlega - ég er bjartsýn og jákvæð - á milli þess sem ég fæ stutt kvíðaköst. Gæti ekki verið betra ;)

Kisa er með hálsbólgu, hún er búin að hósta í allan dag og smá í gær. Hún hefur legið fyrir í mest allan dag og lítið sem ekkert farið út. Greyið litla mjásan.