Fyrsta pöntun afgreidd!

Jæja, þá er ég farin að afgreiða fyrstu alvöru pöntunina mína. Ég fékk pöntun um að gera mynd fyrir nýfætt stúlkubarn í fæðingagjöf og hér er myndin tilbúin. Læt fylgja hér ljósmyndir frá nokkrum sjónarhornum.

Myndin er teiknuð á endurunninn pappír með þurr-pastel-litum. Ef betur er að gáð má sjá að í vængjunum er stungið mynstur. Silfurlitaði rammin utan með er skorinn út og stunginn eins og mynstrið í vængjunum. Ég rammaði myndina inn í ramma sem undirstrikar dýpt og ég veit ekki hvort að það sést á ljósmyndunum en myndin er bólstruð. Það stendur á myndinni ,,Úr hendi vinar er steinninn epli" sem á að vera táknrænt af því að þeir sem hyggjast gefa myndina eru að gefa fyrsta barni vina sinna hana.