Brjálað að gera!

Við skelltum okkur norður um helgina, í smalamennsku í Steinadal. Óðaleigandinn Árdís var svo almennileg að lána okkur Undraland og við komum þangað á föstudagskvöldið eftir að hafa farið yfir Steinadalsheiði og verið aðeins 2 tíma og 40 mín á leiðinni. Þvílík ró og friður þarna og góði andinn í húsinu er engu líkur! Á laugardaginn hélt minn maður upp á fjall í leit að kindum ásamt meirihluta Steinadalsfjölskyldunnar. Við Brynjar höfðum það nú bara náðugt í Undralandi á meðan en fórum uppí dal um hádegi. Brynjar skemmti sér mjög vel innan um féð, í fjárhúsunum og í faðmi ættingjanna. Við kíktum síðan aðeins inn á Hólmavík á laugardagskvöldinu. Helgin var auðvitað alltof fljót að líða og okkur langaði ekkert heim á sunnudeginum. Fínar myndir frá helginni á síðunni hennar tengdamömmu.

Síðan tók við ný vika með líkamsrækt, lærdómi og tiltekt. Það er brjálað að gera. Við Addi erum bæði að vinna að stórum verkefnum í skólanum, Addi í hópverkefni en ég ein. Ég er að skrifa ritgerð um listir, menningu og menntun sem gildir 25% af lokaeinkunn í því fagi, þannig að það er eins gott að vanda sig!

Ég fór á Þjóðminjasafnið í gær með skólanum og skoðaði ýmislegt fróðlegt og skemmtilegt. Safnið er orðið þvílíkt flott og ég mæli með því að sem flestir kíkji þangað - afar vandað, áhugavert og vel uppsett safn.

Jæja, læra læra læra. Meira næst.