Við erum Rass...
Tegngdamamma er farin norður eftir að hafa gist hjá okkur í nokkrar nætur. Við brölluðum ýmislegt saman fórum út að borða, kíktum í þó nokkrar verslanir, leigðum okkur spólu, slökuðum á og hún las m.a. tvær bækur á meðan hún var hérna! Önnur var Móðir í hjáverkum sem ég tók á bókasafninu fyrir stuttu og fannst hún alveg brilliant!
Stína Sigmunds kom til okkar í vikunni á undan og gisti hjá okkur í tvær nætur. Þá kom Agnes litla Geirsdóttir til okkar og gisti líka. Það er alveg æðislegt að fá svona skemmtilega gesti til sín!
Aðlögunin á Nóaborg er lokið. Á föstudaginn var minn maður alveg einn frá kl.8:30 til 16:00 og þetta gengur eins og í sögu. Mér líst rosalega vel á leikskólann og starfsfólkið. Nú situr prinsinn minn hjá mér í sófanum og horfir á upptökur af sjálfum sér 0-2 ára og ég er ekki að grínast en við erum búin að horfa á þetta svona 6 sinnum um helgina!! Svona líka gaman að horfa á sjálfan sig og svo kemur inn á milli ,,æj hann er svo lítill" ,,æj hann er ekki með neinar tennur" en ég verð nú að viðurkenna það að ég er nú líka alveg að bráðna yfir þessu og finnst ég bara vera alveg ótrúlega heppin manneskja að fá að umgangast litlu drengina mína sem eru svo ótrúlega heilir eitthvað...
Við Brynjar erum dugleg í sundinu, reynum að fara sem oftast. Brynjar er orðin mjög kaldur og duglegur í hundasundinu að ég er að hugsa um að senda hann á sundnámskeið, ef það er til fyrir 3ja ára gutta.
í gærkvöldi skelltum við okkur niður í bæ þar sem það var Menningarnótt í Reykjavík. Við tókum Brynjar með okkur og eftir mikla leit fundum við bílastæði á besta stað í bænum. Síðan röltum við niður Laugarveginn og hittum nokkra sem við þekkjum. Þar sáum við m.a. magadans, mótmælendur, fullt gamalt fólk, fullt ungt fólk, venjulegt fólk o.fl. Niður við höfn voru risa tónleikar Rásar2 og Rauða krossins og þar sáum við, eða heyrðum réttara sagt, í hljómsveitinni Hjálmar og Í svörtum fötum. Lögreglukórinn söng með Í svörtum fötum og það var ansi magnað. Síðan drifum við okkur upp Hverfisgötuna á leið á Sirkus þar sem hljómsveitin Rass var að spila í portinu kl.22.30. Við erum öll að fíla Rass í tætlur og sérstaklega þá Brynjar Freyr. ,,Lass" ,,Við eum Lass" og uppáhalslagið hans er ,,But með kógann" (Burt með kvótann). Þar hittum við Árdísi og Adda og það var alveg æðislegt að fylgjast með Brynjari á tónleikunum og ég er eiginlega alveg viss um að hann er yngsti aðdáandi hljómsveitarinnar sem skellir sér á tónleika með henni kl.22.30 á laugardagskvöldi! Eftir það hröðuðum við okkur niður á Arnarhól þar sem flugeldasýningin mikla var að hefjast. Við horfðum á flugeldana í grenjandi rigningu og þegar hún var búin var eins og hellt væri úr fötu þannig að við drifum okkur bara eins og fætur toguðu í átt að bílnum.
Í dag er Addi að vinna síðustu vaktina sína og á að byrja í skólanum kl.8:30 í fyrramálið. Við Brynjar ætlum bara að hafa það gott í dag og vonandi kíkja á einhverja ættingja og vini svona eins og týpískir sunnudagar eiga að vera.
Stína Sigmunds kom til okkar í vikunni á undan og gisti hjá okkur í tvær nætur. Þá kom Agnes litla Geirsdóttir til okkar og gisti líka. Það er alveg æðislegt að fá svona skemmtilega gesti til sín!
Aðlögunin á Nóaborg er lokið. Á föstudaginn var minn maður alveg einn frá kl.8:30 til 16:00 og þetta gengur eins og í sögu. Mér líst rosalega vel á leikskólann og starfsfólkið. Nú situr prinsinn minn hjá mér í sófanum og horfir á upptökur af sjálfum sér 0-2 ára og ég er ekki að grínast en við erum búin að horfa á þetta svona 6 sinnum um helgina!! Svona líka gaman að horfa á sjálfan sig og svo kemur inn á milli ,,æj hann er svo lítill" ,,æj hann er ekki með neinar tennur" en ég verð nú að viðurkenna það að ég er nú líka alveg að bráðna yfir þessu og finnst ég bara vera alveg ótrúlega heppin manneskja að fá að umgangast litlu drengina mína sem eru svo ótrúlega heilir eitthvað...
Við Brynjar erum dugleg í sundinu, reynum að fara sem oftast. Brynjar er orðin mjög kaldur og duglegur í hundasundinu að ég er að hugsa um að senda hann á sundnámskeið, ef það er til fyrir 3ja ára gutta.
í gærkvöldi skelltum við okkur niður í bæ þar sem það var Menningarnótt í Reykjavík. Við tókum Brynjar með okkur og eftir mikla leit fundum við bílastæði á besta stað í bænum. Síðan röltum við niður Laugarveginn og hittum nokkra sem við þekkjum. Þar sáum við m.a. magadans, mótmælendur, fullt gamalt fólk, fullt ungt fólk, venjulegt fólk o.fl. Niður við höfn voru risa tónleikar Rásar2 og Rauða krossins og þar sáum við, eða heyrðum réttara sagt, í hljómsveitinni Hjálmar og Í svörtum fötum. Lögreglukórinn söng með Í svörtum fötum og það var ansi magnað. Síðan drifum við okkur upp Hverfisgötuna á leið á Sirkus þar sem hljómsveitin Rass var að spila í portinu kl.22.30. Við erum öll að fíla Rass í tætlur og sérstaklega þá Brynjar Freyr. ,,Lass" ,,Við eum Lass" og uppáhalslagið hans er ,,But með kógann" (Burt með kvótann). Þar hittum við Árdísi og Adda og það var alveg æðislegt að fylgjast með Brynjari á tónleikunum og ég er eiginlega alveg viss um að hann er yngsti aðdáandi hljómsveitarinnar sem skellir sér á tónleika með henni kl.22.30 á laugardagskvöldi! Eftir það hröðuðum við okkur niður á Arnarhól þar sem flugeldasýningin mikla var að hefjast. Við horfðum á flugeldana í grenjandi rigningu og þegar hún var búin var eins og hellt væri úr fötu þannig að við drifum okkur bara eins og fætur toguðu í átt að bílnum.
Í dag er Addi að vinna síðustu vaktina sína og á að byrja í skólanum kl.8:30 í fyrramálið. Við Brynjar ætlum bara að hafa það gott í dag og vonandi kíkja á einhverja ættingja og vini svona eins og týpískir sunnudagar eiga að vera.
posted by Hildur at 11:09
0 Comments:
Skrifa ummæli
<< Home